Guillermo Laporta ye un flautista, compositor, diseñador, creador multimedia y emprendedor residente na ciudá de Nueva York y n´Asturies. El so trabayu artísticu presenta conexones multidisciplinares ente la música, el teatru, el baille y el videu. Anguaño ye director artísticu de CreArtBox, artista residente en CultureLab, Nueva York y director del Festival ADAR pal desenvolvimientu de les artes nel mediu rural.

Nacida en Palencia nun ambiente de músicos profesionales, Josefina Urraca ye una artista cuidadosa, alumna d´un profesor de pianu de lleenda como Dmitri Bashkirov. A lo llargo de la so carrera, algamó munchos premios y reconocimientos n´Europa y Estaos Uníos. Centrada na música de cámara, Josefina actúa en sales de conciertos de sonadía de mediu mundu presentando música clásica y nueva de compositores vivos tanto emerxentes como establecíos.

El recital de flauta y pianu de Laporta y Urraca nel Centru Niemeyer va abarcar un viaxe per obres como la sonata pa violín (trescrita pa flauta) de Leoš Janáček, El ñerbatu, d’Olivier Messiaen, el Estudiu N1 pa viola (trescritu pa flauta y pianu) de Nico Muhly y la Sonata in A Major (trescrita pa flauta) de César Franck.