Pan ye una obra que fai analoxía ente´l pan y el ser humanu, na so rellación colos otros seres. Los cuatro elementos: tierra, agua, aire y fueu axúntense pa dar vida a la semiente que se tresforma y percuerre´l so camín p´atopar suaños que cumplir. Ver el pan como un ser vivu (que lo ye) cola so propia aventura de vivir, desque busca la so personalidá tresformando la masa en distintos personaxes, hasta entamar el propiu viaxe p´aprender de les sos cayíes hasta llegar a la entrega a los demás. Pan ye una vida, dende la creación hasta la consumación de la obra en tolos sos aspectos.