La vida cotidiana del sieglu XX viose afectada pol aumentu de la población atrayío pol sector industrial, la espansión urbana, l´apaición d´una clas media, la cultura de mases y la incorporación progresiva de la muyer a la esfera pública.

Nesta esposición vemos cómo, al traviés del percorríu cronolóxicu d´una fábrica, los productos esperimentaron una evolución tecnolóxica rápida y, al tiempu, comprobamos la importancia que’l diseñu foi garrando hasta convertise, per encima de la utilidá, nun gran atractivu a partir d´avances n´innovación.

Esto ye lo que fixo MANUFACTURES BERNAR, una fábrica fundada en Xixón por Bernardo Suárez Fombona (Pinzales, Xixón, 1909- Xixón, 1995), en 1946. La so historia ye la d´una industria qu´a lo llargo de 74 años fabricó artículos de cocina y d´usu domésticu, y que se metió nel mercáu internacional gracies al so bon diseñu. Los sos productos acompañáronnos a lo llargo de los años y muéstrennos cómo de la que´l mundu cambia tamién lo faen los oxetos qu´usamos na nuestra vida doméstica.