Dos pícaros charranes que fixeron el Camín de los Santuarios delles veces busquen ganar dalgo de comida cuntando la historia de los Santuarios y les sos peripecies per esti camín, destacando les aportaciones de los reis d’Asturies, dende Don Pelayu (añu 718) hasta Ramiro III (añu 866) y la so influencia nesti camín. Pa facer más amenu’l rellatu, dramaticen la vida y situaciones d’estos monarques tan importantes, y pa esto cunten col acompañamientu musical d’un probe mudu.

Ente anécdotes y vivencies de los reis asturianos, van dase a conocer los anicios de la cultura asturiana, la batalla de Cuadonga y cómo se fundó la catedral d’Uviéu sobre una construcción orixinalmente encargada pol rei Fruela I.