Circuitu d‘actividaes temátiques Cuadonga 2022 - Camín de los Santuarios

El tema Corri Corri ye de los más vieyos de la tradición musical asturiana y ye la exa central d’esti proyectu de La Céltica. El conciertu céntrase na música de la zona del oriente d’Asturies per onde va’l Camín de los Santuarios, con temes como’l Corri Corri, el Pericote, la Danza prima de San Roque, temes cántabros y dalgunos temes compuestos por Mento Hevia, como la danza de Cuadonga o la Danza Prima Al pasar el charco.

Esta parte musical va acompañada d’una presentación a cargu de Xurde Morán, espertu comunicador y caminante d’estes rutes centenaries, que va esponer histories y reseñes.