Ana ta ilusionada pensando nos regalos que va recibir por cuenta del so cumpleaños. Suaña con ellos, enumerándolos. Escribió una llista bien grande con tolos xuguetes que quier. Amás, so güela prometió-y un regalu bien bien especial… ¿Va ser una bici?, ¿va ser un hipopótamu?, ¿va ser una alfombra voladora?

Pero esi día, nuna fecha tan especial, la pequeña recibe una mala noticia: so güela enferma y muerre. Too va garrar otru sentíu a partir d’entós: la pequeña va descubrir, nuna caxa vieya que recibió por sorpresa, el mensaxe que quería tresmiti-y so güela. Los regalos verdaderos nun se guarden en caxes nin cuesten perres. Los regalos verdaderos, los más guapos, los que nunca vas escaecer… “guárdense nel corazón”.