La violinista española Macarena Martínez y el pianista Óscar Martín xúntense nesti conciertu pa ufiertanos un viaxe sonoru estimulante. Averámonoss a una dómina musical llena d´estilos contrastantes, con compositores como Manuel de Falla, Bartok, Ravel, Poulenc, Casella, Stravinsky y Malipiero, toos ellos compositores con personalidá propia, inspiraos ente sí y a los que los xunía una almiración mutua y una aspiración de mancomún: la esploración de la música popular de los sos países y la so exaltación al traviés de grandes composiciones utilizando les técniques compositives del momentu.

La unión de Macarena Martínez y Óscar Martín, dambes con una gran trayectoria como concertistes en diversos países y gran esperiencia na música española, ye ensin dulda un aciertu pa esti repertoriu enllenu de fantasía, xuegos sonoros y estremos espresivos.