Pica-Pica ye un grupu de música y teatru infantil qu´algamó muncha popularidá ente los neños polos espectáculos tan simpáticos que fai y la interpretación de canciones pa tola familia. Toles sos historietes enllenes d´humor, xuegos y cantares, lleváronlos a actuar per tola xeografía española y anguaño tamién per Llatinoamérica, dexando un ecu de rises bien prestosu en cada patiu de butacas onde xuben el telón.

Nacho Bombín, Emi Bombón y Belén Pelo de Oro, grandes amigos de los neños, atópense metíos en trames mínimes, heriedes del teatru de marionetes y la comedia del arte. Les sos aventures acaben siempre con una sorrisa d´oreya a oreya y una canción ente los llabios pa nun dexar de baillar con tolos amigos y la familia.