Esti Recital de poemes y canciones de Federico García Lorca, fai un percorríu pela relación del poeta con Asturies, amás de recordar la so figura nel 82 aniversariu del so asesinatu.

Un percorríu que va dende´l conocimientu por parte del poeta del folclore asturianu, y el so usu en delles de les sos obras teatrales, hasta les visites con La Barraca Teatro Universitario, o como conferenciante. Tamién recordamos el Homenaxe del Gobiernu republicanu y la sociedá asturiana al poeta, depués del so asesinatu, p´acabar coles primeres funciones na Dictadura franquista y la presencia d’obras de Lorca nos repertorios de les compañíes asturianes.