Itinerarios pel Patrimoniu. Patrimoniu Industrial
16/10/2021 09:30
Cultura Tradicional
Places escosaes
Fecha: 16 d´Ochobre de 2021
Horariu de salida: 9:30 h. Llegada calculada: 14:30 h.
Puntu d’alcuentru: Cai Mendizábal, énte’l Teatru Filarmónica d’Oviedo / Uviéu.
Recomendaciones: calzáu zarrao o bota de monte, ropa cómodo, cayáu, agua y crema solar
Preciu: 18 €. Públicu infantil entre 4 y 11 años, grupos de más de 10 persones, Pasaporte Cultural y Club Cultura Asturias: 15 €.
El Muséu de la Minería en L’Entregu, la primer posa d’esti itinerariu enseña la historia de la minería n’Asturies al traviés d’imáxenes, maquinaria o minerales con espacios tan espectaculares como la mina-imaxe, que reproduz con bien de realismu l’interior d’una esplotación.
La segunda parada de la ruta ye la impresionante torre de refrixeración de la vieya fábrica siderúrxica de la empresa Duro Felguera en La Felguera, onde s’alcuentra’l Muséu de la Siderurxa d’Asturies. Un percorríu peles sos sales fálanos d’una época y territoriu marcáu pola gran aventura industrial de D. Pedro Duro, qu’a mediaos del sieglu XIX creó una fábrica siderúrxica pionera n’España.
El Centru d’Interpretación d’Armando Palacio Valdés n’Entrialgo, una casona rural de dos plantes llevantada nel sieglu XVIII y casa natal del autor de La aldea perdida, va ser la tercer y última posa de la xornada.
