Circuito de activividades de cultura tradicional asturiana

La protección, conservación y restauración del patrimonio arquitectónicu popular sofiténse na so conocencia, respetu y valoración. Poro, dende edaes tempranes ye necesario concienciar del so valor pa que s´integre na cultura de la sociedá del futuru. Esti ye´l propósitu d´esta actividá, na que l´horru va ser el vehículu conductor col que la reciella s´avere de manera prestosa y práctica a l´arquitectura tradicional, a les técniques de construcción venceyaes al mediu natural y a la so rellación colos oficios tradicionales y cola vida rural. Amás van conocer les partes del horru y los estilos colos que se decoraben gracies a un recortable col que los neños y les neñes y caúna va recortar, armar y decorar igüando´l so propiu horru.