Circuito de activividades de cultura tradicional asturiana

L-R ye un dúu formáu por Leticia Baselgas (voz y percusión) y Rubén Bada (guitarres y efectos) que trabaya cola música tradicional asturiana al traviés de la mestura de dos instrumentos aparentemente mui distintos: la pandereta y la guitarra llétrica.

El proyectu N.O.S. quier siguir apostando pola música tradicional asturiana dende una perspectiva actual y averada a les nueves creaciones contemporanees. La idega ye esfrutar de la música tradicional y, del mesmu mou, fomentar nueves maneres d´integrar na sociedá les músiques de raigañu. El su oxetivu ye siguir la llínia creativa d´aquelles muyeres (y homes) que deprendíen y componíen cantares reformulándolos y adaptándolos a les sos vides; un patrimoniu que ye y sigui siendo tresmitíu de forma híbrida de xeneración en xeneración.