Esti proyeutu, coordináu pol músicu Nacho Fonseca, tien l´envís d´averar a les escolines y escolinos del nuestru conceyu a la música coral d´una manera cenciella, abierta, activa y participativa.

Nesta décima edición, participen al rodiu de 400 neñes y neños de 12 escueles. Los coros infantiles (amás d´un coru de profes), van llevar al escenariu -n´horariu de mañana y tarde- una muestra del trabayu desendolcaú a lo llargo del cursu escolar.

L´actu va presentalu Esther Fonseca y pon el ramu a los Conciertos de Primavera cellebraos demientres el mes de mayu nel CMI Atenéu de La Calzada y nel CCAI.