Felpeyu ye un grupu de música folk d’Asturies y una de les grandes referencies na música de la rexón. Fundáu en 1991, nesti conciertu’l  grupu va facer un percorríu pelos cantares y temes instrumentales más conocíos de la so discografía que van integrar nun repertoriu que tien como exa’l so últimu discu, Cerquina.

La reellaboración de la música tradicional d’Asturies nuna llinia paralela a les tendencies que se dan anguaño nel folk européu sigue siendo l’oxetivu del trabayu de Felpeyu, que reivindícase como un elementu más del procesu de recuperación y dignificación de la cultura d’Asturies.