Programación de branu nel Parque de la Prehistoria de Teberga
Teberga, 01/07/2021 11:00
Museos y Equipamientos
Del 1 de xunetu al 26 de setiembre
Temática: actividaes de branu
Dirixío pa: tolos públicos
Parque de la Prehistoria de Teberga
San Salvador d’Alesga, s/n
33111 Teverga
T: 985 764 739
El Parque de la Prehistoria de Teberga apuesta esti branu pola programación d´actividaes nel esterior del equipamientu, allugáu nel Parque Natural Les Ubiñes-La Mesa. Visites a los cercaos d´animales y al itinerariu de flora y fauna, un taller musical, un muestréu de fueu o un taller de técniques de supervivencia, ente les actividaes de xunetu, agostu y setiembre.
Visita esterior Conociendo a los animales del Paleolíticu, ¿damos una vuelta? Tolos díes de xunetu y agostu y fines de selmana de setiembre, 17:00 h.
Taller familiar Supervivencia na Prehistoria, tolos díes de xunetu y agostu y fines de selmana de setiembre, 13:00 h.
Taller Una llama con 10.000 años de historia, 11 de xunetu y 7 d´agostu, 11:30 h.
Visites al itinerariu d´interpretación de la flora y fauna nel Parque de la Prehistoria Los rincones del oso: 17 de xunetu, 21 d´agostu y 18 de setiembre, 11:30 h.
Taller musical La Prehistoria en la música con Pablo Canalís: 31 de xunetu y 15 d´agostu, 19:00 h.
Visites guiaes a la Cueva de Cueves, tolos díes de xunetu y agostu, 11:00, 13:45, 17:00 y 18:00 hores; en setiembre, fines de selmana 11:00, 13:45, 17:00 y 17:45 h.