50 Aniversariu Muséu Casa Natal de Xovellanos Señales Identificables. L’Archivu Navascués
Xixón, 18/05/2021 09:30
Artes Visuales
Del 18 de mayu al 3 de ochobre de 2021
Horariu de visita: de martes a vienres 9:30 a 14:00 y de 17:00 a 19:30 h. Sábados, domingos y festivos: de 10:00 a 14:00 y de 17:00 a 19:30 h.
Museu Casa Natal de Xovellanos
Plaza de Xovellanos, s/n
33201 Gijón / Xixón
T: 985 185 152
Preciu: de baldre
José María Navascués ye ún de los artistes capitales na colección del Muséu Casa Natal de Xovellanos, onde s´esponen de forma permanente dalgunes de les obres más emblemátiques de la so serie madera negro, como Avión, Hamaca y Fórmula I, y de la titulada Madera + color. Xunto a estes grandes escultures, el muséu caltién l´archivu de trabayu del artista, un conxuntu de más de setecientes pieces ente dibuxos, planos, croquis, documentos, publicaciones y demás material de trabayu, que resulta esencial pa la interpretación y puesta en valor de la so obra.
Una esposición na que´l muséu reivindica´l so papel como centru de documentación y investigación de les disciplines artístiques practicaes na ciudá de Xixón a lo llargo de la so historia. Escoyóse l´Archivu Navascués tanto pola bayura de los sos materiales como porque foi la xénesis del programa llamáu Archivos d´Artistes Asturianos.