Mujeres que tejen la vida ye un taller creativu, vivencial y participativu pa muyeres. A partir d’un cuentu celta ancestral, propónse un espaciu de posa, reflexón y creación colectiva.

El cuentu La muyer que texe la vida recuérdanos que cuando ruempen los filos de la vida, podemos tresformar l’enriedu de filos en posibilidaes nueves y tamién volver texer lo que queremos trayer al mundu de verdá. La hestoria fáinos reflexonar sobre la realidá cotidiana de munches muyeres: la multitarea, el cansanciu, la sensación de nun llegar a too y la necesidá de recuperar la tranquilidá, l’equilibriu y el poder interior.

El taller combina narración oral, diálogu empobináu, escritura llibre y un pieslle colectivu creativu que convida a “texer” de forma consciente’l mundu que deseyamos.