Esti proyectu consiste nun alcuentru que se va centrar nel discutiniu de la novela Como agua para chocolate de Laura Esquivel, pagando especial atención a la presencia de la gastronomía y les recetes como elementos clave de la narrativa.

Como exerciciu prácticu, somorguiarémonos na ellaboración de la receta de "torrejas de natas", presente nel llibru. Al traviés d’esti dulce fechu con pan sobrante y alimentos básicos, que cuayó especialmente ente les clases más probes, vamos trazar un viaxe culinariu dende les "torrijas" de la España colonizadora hasta la so tresformación nes mexicanes "torrejas de natas". N’Asturies, esta tradición repostera manifiéstase en forma de picatostes, un postre que forma parte esencial del nuesu patrimoniu gastronómicu.

La sesión va rematar cola entrega d’un exemplar del llibru y la degustación de les "torrejas de nates" preparaes, promoviendo un diálogu sobre la dignificación del pan al traviés de la cultura lliteraria y la tradición del aprovechamientu.