Covenant Producciones recibió en 2025 el Premiu Nel Amaro de Teatru Profesional n’asturianu y eonaviegu pol espectáculo Tía Miseria.

Covenant Producciones creóse cola mira d’entamar y producir espectáculos sobre tradición oral, identidá cultural, memoria y tradición. Una de les sos producciones más conocíes ye Animalada xabaz, serie infantil de TPA qu’axunta marionetes, cuentos tradicionales, teatru y música rock. Nel añu 2003 empezaron a desenvolver ¡Rodando! Esnidien les histories, un proyectu multiplataforma sobre la cultura nel mediu rural asturianu, cola obra Tia Miseria como exa central. Esta producción ñaz de la tradición oral: una serie d’escenificaciones de histories nacíes d’esta fonte de sabiduría popular. El monologuista Carlos Alba Cellero adapta y reformula esti cuentu d’oríxenes milenarios con música, cantares, danza, cosadielles, sabiduría popular, instrumentos tradicionales y humor.