Llocántaru ye un tríu del que pue dicise que ta asitiáu na vanguardia de la música tradicional asturiana. Esta formación tien los sos anicios mientres l’añu 2009 y nel so repertoriu compaxínense la tonada con tou tipu de temes tradicionales y modernos, dando en resultes un show variáu, entreteníu y de gran calidá, onde la música asturiana y n’asturiano cobren un papel fundamental. 

El grupu ta fomáu n’actualidá por dos grandes cantantes, dambos reconocíos con premios de la tonada asturiana: Fernando Nuño y Fernando Entrialgo, acompañaos al pianu por Rebeca Velasco.