Flores Grises ye una esperiencia íntima y visual na que Carla Armas, acompañada por dos músicos, da vida a los testos de Federico García Lorca al traviés de la música, la poesía y l’arte. Nesti conciertu, el gris y la color representen dos mundos emocionales en conflictu, la llucha ente dambos va ser el filu conductor del espectáculu.

El conciertu sigue una narrativa de transición del gris a la color, onde lo musical, teatral y pictórico entemécense. A lo llargo del espectáculu, Carla destapa cuadros que taben cubiertos con tela gris, revelando la color oculta debaxo.