El Gobiernu d’Asturies organiza alredor del 3 de xunu una programación curiosa pa celebrar el Día Mundial de la Sidra, nel añu en que la cultura sidrera asturiana foi reconocida pola Unesco como Patrimoniu Cultural Inmaterial de la Humanidá. Pa conmemoralo, el Principáu punxo en marcha una partida d’eventos especiales que se van desenvolver a lo llargo del mes de xunu, con epicentru nesa fecha señalada.

Alredor d’una ventena d’actividaes van enllenar de conteníu museos, archivos, biblioteques, centros d’arte, escueles y espacios patrimoniales de tol Principáu, con propuestes pa tolos públicos: talleres, proyecciones, conciertos, esposiciones, xuegos educativos, escenificaciones escolares, charles, lliteratura, gastronomía y muncho más.

Muséu de la Sidra d’Asturies (Nava). 3 de xunu, 12:00 h.
Actu simbólicu d’echáu d’un culín nel Muséu de la Sidra d’Asturies (Nava), entamáu pola Federación Asturiana de Conceyos (FACC), el Conseyu Regulador de la DOP Sidra d’Asturies y la Fundación de la Sidra.

Muséu Etnográficu de Grandas de Salime «Pepe El Ferreiro» (Grandas de Salime). Del 3 al 30 de xunu, nel horariu d’apertura del Muséu.
Pieza destacada nel Muséu: echador de sidra de los años 40 del sieglu XX. Grandas de Salime ye tierra de vinu, pero na colección del Muséu Etnográficu de Grandas de Salime “Pepe El Ferreiro” cúntase con un echador de sidra tradicional. Con esta pieza destacada conmemórase’l Día Internacional de la Sidra.

LLABoral Centru d’Arte y Creación Industrial (Xixón). 3 de xunu, de 17:00 A 19:00 h.
Taller Sabores Formentaos. Collaboración ente especies. Esplorando los procesos de formentamientu cola mazana. ¿Apasiónate l’alimentación saludable y los productos locales? Ven a descubrir nesti taller tol potencial de la mazana asturiano con un enfoque prácticu dafechu. Vas aprender a ellaborar dos recetes enllenes de sabor y beneficios pa la to salú.
Imparte: David Feito (Satori Fermentos). Places limitaes. Inscripción previa aconseyada.

Centru de Recepción y Interpretación del Prerrománicu Asturianu (Uviéu). Del 4 al 8 de xunu, de 9:30 a 13:30 y de 15:30 a 18:00 h.
Novedaes sidreres na tienda y photocall medieval tradicional. El photocall medieval del Centru ta en procesu de tresformación pa mostrar curiosidaes rellacionaes cola sidra y la Edá Media. El públicu amás va poder llevar un marcapáxines personalizáu con reis asturianos bebiendo sidra colos sos caballeros y conocer en primicia una novedá na nuestra tienda.

Biblioteca d’Asturies “Ramón Pérez de Ayala” (Uviéu). 4 de xunu, 13:00 h. Salón d’actos
Charla Cultura sidrera ya identidá gastronómica asturiana. Impartida por Lluis Nel Estrada.

Amás, a lo llargo de tol mes de xunu:
• Faite con un poema sobre la sidra na Biblioteca d’Asturies. Los poemes van decorase con etiquetes de botelles de sidra de marques vieyes y van apurrise nos mostradores y a les persones que recueyan o vuelvan llibros n’empréstamu.
• Disfruta del mural tituláu Literatura en escanciado lento. Tamién puedes lleer los testos lliterarios espuestos pola biblioteca sobre aspectos variaos de la sidra.

Centru Niemeyer. 4 de xunu, 20:00 h.
La gran manzana. Documental dirixíu por David de la Cruz. Depués de 99 años llabrando la mesma tierra, una familia llagarera prepárase pa la collecha númberu 100, un finxu qu’axunta a tola so comunidá. La gran manzana convídanos a siguir el percorríu de la sidra, dende’l so orixe nuna pumaradina familiar hasta la so llegada a les cais de Nueva York. En mediu de los conflictos por esparder la so sidra al mercáu global, desvélase una narrativa rica en motivaciones, alcordances y les dificultaes que marcaron a esta familia a lo llargo de xeneraciones.

Archivu Históricu d’Asturies (Uviéu). Del 5 al 15 de xunu, nel horariu d’apertura del Archivu.
Esposición Documentos pal estudiu de la sidra y la cultura sidrera nel Archivu Históricu d’Asturies. Una muestra temporal de documentación histórico rellacionao cola cultura sidrera asturiana.

Muséu Arqueolóxicu d’Asturies (Uviéu). Del 6 al 15 de xunu nel horariu d’apertura del Muséu.
Esposición Testimonios materiales de la sidra nel Muséu Arqueolóxicu d’Asturies. Una esposición temporal de material arqueolóxico y gráfico vinculao a la
cultura sidrera.

Biblioteca Xovellanos de Xixón. 6 de xunu, 19:00 h. Salón d’actos.
Charla musical sobre los cantares de chigre. Al cargu del musicólogu, compositor y director de coru Carlos José Martínez Fernández.

Escuela de Quintes (Villaviciosa)
Presentación del xuegu El camín de la sidra. 6 de xunu, 10:00 h.
Presentación del xuegu de mesa El camín de la sidra, creáu pol alumnáu del Colexu Rural Agrupáu de Les Mariñes de Villaviciosa en collaboración cola entidá Desconectando y editáu en collaboración cola Conseyería de Cultura, Política Llingüística y Deporte. 

Espectáculu escénicu Cuentos y sidra baxo’l pomar. 6 de xunu, 11:00 h.
Al cargu de la compañía asturiana ElektraFiktion, na Escuela de Quintes, Villaviciosa, integrada nel CRA Les Mariñes. L’alumnáu de les seis escueles qu’integren el CRA Les Mariñes van poder sentir cuentos, lleendes y histories sobre l’universu de la sidra, descubriendo les sos oríxenes, curiosidaes y la so importancia na nuestra cultura. Al traviés del xuegu y los rellatos, van descubrir que la sidra ye muncho más qu’una bebida.

Parque de la Prehistoria de Teverga (Teverga). 7 de xunu, de 10:30 a 18:30 h.
En busca de los sidrOxetos intrusos. Xuega y busca los variaos oxetos rellacionaos cola sidra escondíos nos trés edificios (Recepción, Galería y Cueva de
Cueves) y nos esteriores del Parque de la Prehistoria (zarros, horru, parque infantil). Una botella, un vasu, un corchu... si yes quien a dar con toos ellos, diríxite a la Recepción del Parque y vas recibir un regalu. ¡Y recuerda que tamién puedes beber sidra nel Café de la Prehistoria!

Centro de Arte Rupestre Tito Bustillo (Ribeseya). 7 y 8 de xunu, de 11:00 a 14:00 y de 16:00 a 18:00 h.
Somos Cultura Mundial. Tito Bustillo yá forma parte dende’l 2008 de la llista de Patrimoniu de la Humanidá y por eso dende’l Centru d’Arte Rupestre quieren dar la bienvenida a la cultura sidrera con un chisgu qu’axunte dambos patrimonios. El públicu va poder crear una chapa de cultura prehistórica sidrera
única. ¿Figúreste una prehistórica pañando mazana? ¿O a un cavernícola echando sidra?

Muséu del Xurásicu d’Asturies (Colunga). 7 de xunu, 17:00 h.
Echando sidra ente dinosaurios. De la mano de profesionales del sector, les families que participen nesta actividá van aprender en qué consiste la cultura sidrera, qué ye la sidra, y tamién a echalo de forma correcta. Va esplicase’l porqué de la inmaterialidá y el procesu d’ellaboración y echáu. ¡Los adultos van poder disfrutar de la sidra que s’eche!
Imparte: La Montera Picona. Places limitaes. Inscripción previa aconseyada.

Conciertu de la OSPA. 27 de xunu, 20:00 h. Auditoriu Príncipe Felipe.
Conciertu de la OSPA: Patrimoniu de la Humanidá. Conciertu col títulu Patrimoniu de la Humanidá, nel que la orquesta va interpretar composiciones de clásicos universales y va zarrase con un homenaxe a la cultura sidrera asturiana cola interpretación d’Escenas Asturianas, de Benito Lauret.

Actividaes entamaes por OTEA. Del 2 al 8 de xunu.
Xornaes gastronómiques del Día Mundial de la Sidra. Los establecimientos participantes diseñaron una propuesta gastronómica que se sirve del 2 al 8 de xunu:
• Platu a la Sidra: ellaboración tradicional o innovadora onde la sidra tien un papel preponderante.
• Mini Cocina a la sidra: pinchos y tapes con ingredientes rellacionaos cola sidra. 

Echáu popular d’apoyu a la cultura sidrera. 3 de xunu, 12:00 h.
Alcuentru d’echadores profesionales y amateur na plaza del Ayuntamientu d’Uviéu pa escenificar l’apoyu a la cultura sidrera asturiana. Nel trescursu del actu va lleese un manifiestu. Van repartise 400 botelles de sidra y vasos ente les persones participantes nel echáu simultaneu.