L’espectáculu ta configuráu por testos contemporáneos variaos, narraos en formatu de llectura dramatizada. Trátase d’una colección d’historines onde l’amor, en cualquiera de les sos versiones, contitúyese nel filu conductor. P’afilvanar una historia con otra van usase monologuinos del Sieglu d’Oru, a manera de sorbos de versu llixeros ente cada bocáu de prosa. El versu y la prosa, nuna rellación amorosa pa falar del amor.