La consecuencia d’una sociedá machista nun se reflexa namás na violencia física. Azul narra como too yera perfecto de la qu’empezó so vida; lo qu’ella nun sabía ye que llevaba a recostinos una mochila con una etiqueta escomanada que diz “neña”. Nesa mochila, toos y toes meten coses ensin qu’ella se decate… A midía que medra y muestra los sos gustos y inquietúes dicen-y incluso qu’hai coses de neños y de neñes, qu’hai coses que nun pue facer o que tien que facer por ser neña… Un día cansa y, farta d’estereotipos y micromachismos, decide saltar al “Rin” y lluchar contra ellos. Pero la batalla enxamás termina y toca ¡Siguir lluchando!