Curtios d’Animación Internacional Vol.1
Xixón, 16/05/2021 19:00
Cine
Llaboral Cinemateca
C/ Luis Moya Blanco, 261
3302 Gijón / Xixón
T: 902 306 600 / 985 185 860
Información Covid-19 pal públicu asistente a eventos na Llaboral
Preciu: 4€; Reducíu: 3€ pa socios del Club Cultura Asturies, comunidá Uniovi y Carnet Mozu Asturies
Venta d´entraes: Llaboral Ciudá de la Cultura, Centru Niemeyer y Entraes Liberbank
Si por daqué se tien caracterizao’l curtiumetraxe d’animación a lo llargo de la so historia, ye pola so capacidá de riesgu y innovación. Capaz a representar lo más inmediato -dende un realismu brutal o con una estilización esquisita, o de materializar les más imposibles formes de la imaxinación-, esti terrén cinematográficu ye ensin dulda nenguna un espaciu abonáu a la sorpresa. Empezamos un percorríu per dalgunos de los grandes fitos del cine d’animación de la década pasada, con una primer selección d’obres incontestables, que ponen de manifiestu la gran diversidá del xéneru.
Entre sombras
Portugal, 2018. 14 minutos
Alice Guimarãye, Mónica Santos
Atrapada nun trabayu aburríu, Natália comprométese na busca d’un corazón robáu. Nun mundu onde los corazones puen depositase nel bancu, la protagonista encara un dilema: dar el so corazón o quedar con él.
Push This Button if You Begin to Panic
Gabriël Böhmer
Reinu Uníu, Suíza, 2020. 13 minutos
Bartholomew Whisper foi güei al médicu. Ellí conoció a directivos apasionaos pola ciruxía esperimental, y máquines solitaries de resonancia magnética. Polo menos el furacu cada vez más grande na so cabeza taba volviéndose bien guapu.
Warum Schnecken keine Beine haben (Why Slugs Have non Legs)
Aline Höchli
Suíza, 2019. 11 minutos
A los llimiagos cuésta-yos enforma caltener el ritmu de la vida na ciudá de los insectos. Cuando se produz una crisis financiera, les abeyes trabayadores namás ven una solución…
Physics of Sorrow
Theodore Ushev
Canadá, 2019. 27 minutos
La primer película dafechu animada realizada cola técnica de pintura encáustica, The Physics of Sorrow, inspirada na novela del escritor búlgaru Georgi Gospodinov, rastrexa los ámbitos de la vida d’un home desconocíu de la que revisa alcordances de circos, envoltorios de chicle, primer namoramientu, serviciu militar dende la so mocedá na Bulgaria comunista y una adultez cada vez más desarraigada y murnia en Canadá, mentes lluchaba por atopar la so casa, la so familia y el so propiu ser.
La programación cinematográfica ufiertada por Llaboral Cinemateca ta coordinada por el Festival Internacional de Cine de Gijón/Xixón (Divertia Gijón SA) |