Fin d’añu. Dos muyeres, Sofía y Lucía, opuestes dafechu emocional y psicolóxicamente. Anque seyan tan estremaes, o quiciás por eso, son amigues. Y festexen, como cada añu, la so Nuechevieya especial nel apartamentu d’una d’elles. Falen, rin, comparten, beben, xueguen… Y llega la primer sorpresa de la nueche: Lucía convidó a Adán, un home que conoció per Tinder, a xuntase con elles. Sofía accede, insegura, a la sorpresa, que nun va ser la única. Adán nun vien ensin equipaxe: llueu vamos descubrir qu’arrastra consigo un pasáu del que Sofía ye tamién parte. Un pasáu espantible, marcáu por un fechu devastador del que dambos tentaron d’escapar per caminos diverxentes; un pasáu que tenten de disimular como pueden delantre de Lucía, hasta qu’empieza’l xuegu.