8,56. Inspirada en un salto de Yago Lamela
Avilés, 24/04/2021 19:00
Artes Escéniques
Xéneru: teatru
Dirixío pa: tolos públicos
Duración: 60 minutos
Preciu: 21 €; Reducíu: 16,80 € pa socios del Club Cultura Asturies y Pasaporte Cultural.
Venta d´entraes: Centru Niemeyer, Llaboral Ciudá de la Cultura y Entraes Liberbank
Una traxedia del sieglu XXI. La obra de teatro 8,56 ye una obra de ficción inspirada nun saltu de Yago Lamela, que fizo nel mundial d’atletismu de Maebashi en 1999. Alredor d’esi saltu hai dellos elementos que resuenen a la traxedia griega antigua, como la hibris del héroe tráxicu y el so deséu irrefrenable por dir más p’allá de los sos límites, la idea de destín na lesión de talón de Aquiles que sufrió Yago, la noción de dios nel cuerpu sobrenatural d’Iván Pedroso (un rival insuperable), y la noción de polis, quedando la derrota individual de Yago enmarcada nuna derrota colectiva, la de Madrid, que se presenta tres veces como candidata p’abellugar los xuegos olímpicos y fracasa. Por tanto, si la traxedia nació pa dar voz a los que nun la tuvieron, 8,56 quier dar visibilidá a la problemática de los deportistes d’élite cuando tienen que dexar el mundu de l’alta competición y refacer les sos vides.