Gag Movie ye la historia de cuatro personaxes atrapaos nel tiempu y nes llendes estreches d’un fotograma namás. La nuestra singular troupe de cineastes irrumpe n’escena por arte de maxa. Van entamar un viaxe de lo más célebre colos espectadores per dalgunos de los momentos más icónicos del séptimu arte. Con humor y chispa, non solamente van amosanos en directo cómo ye’l cine, sinón tamién cómo se fai, cómo se vive y, sobre manera, cómo se disfruta. En Gag Movie, el séptimu arte atópase col teatru pa formar xuntos l’octavu arte, o quiciabes el novenu, o el décimu… a saber. Pero seya’l númberu que seya, ye un arte simpáticu y vertixinosu que va pasar per delantre de los nuestros güeyos a más de 300 fotogrames per segundu.