¿Qué rellación tienen los xuguetes mecánicos y autómates colos títeres?

Con rabiles, palanques, polees, engranes, los xuguetes mecánicos y autómates faen movimientos repetitivos: oscilantes, xiratorios o lliniales.
Los títeres, dacuando, tamién lleven mecanismos asemeyaos pa consiguir dalgunos movimientos.

Mostrámostelo cola visita animada qu’entamamos nel Muséu. Nella vas poder ver autómates y xuguetes de madera, de cartulina, de plásticu, de metal; xunto a títeres con mecanismos.

Ven a conocelos y ver cómo se mueven de la mano del maestru titiriteru, que tamién te va enseñar otros munchos títeres del mundu.

Una visita pa toles edaes.