El cuerpu de Love ta echáu nel suelu del burdel onde trabayaba. Asesináronla nel  2012, anque pudo pasar güei. Naide denunció la so desapaición. Naide reclamó’l so cuerpu. Y naide pagó pola so muerte.

Pasaron diez años y yá naide s’alcuerda d’esa muyer de la que nin siquiera conocemos el so nome verdaderu. ¿Quién yera? ¿Cómo llegó a esa situación? ¿Quién la mató y por qué? ¿Daquién la echa en falta? ¿Cuántes más va haber? Y sobre manera… ¿hasta cuándo?

Güei’l públicu tien la oportunidá d’investigar la so muerte y pa eso va tener que s’adientrar, en primer persona, nel treme tan complexu que caltién el negociu del sexu de pagu nel nuestru país.