Xefe de Departamentu de Pintura Barroca Española, Muséu Nacional del Prado, Javier Portús ye doctor n´Historia del Arte, y trabaya como conservador nel Muséu del Prado dende 1998. Especializóse en temes rellacionaos coles rellaciones ente pintura y lliteratura nel Sieglu d´’Oru, la recepcion de les obres d’arte, y en problemes d´historiografía artística. Ente los sos llibros figuren Pintura y pensamiento en la España de Lope de Vega (1999); La Sala Reservada del Museo del Prado y el coleccionismo de pintura de desnudo en la Corte española 1554-1838 (1998); El concepto de pintura española: Historia de un problema (2012) o Velázquez: Su tiempo y el nuestro (2018). Foi comisariu de les esposiciones Fábulas de Velázquez (2007); Velázquez y la familia de Felipe IV (2013), Metapintura. Un viaje a la idea del arte (2016), o Museo del Prado 1819-2019. Un lugar de memoria (2018). 

Los dos retratos d´Eugenia Martínez Vallejo que fixo Carreño cúntense ente los más singulares que nos dexó´l Sieglu d´Oru.
Nesta charla va tratase sobre´l personaxe y les razones que llevaron a la so representación; sobre la tipoloxía retratística na que s´encuadren; y acerca de la so significación nel contestu de la carrera del so autor, ún de los pintores españoles más brillantes y orixinales nes décades centrales del sieglu XVII.