Miradas comparadas. Miradas compartidas de Gecuna
Llanes, 05/06/2021 19:00
Cultura Tradicional
Circuitu d´actividaes de cultura tradicional asturiana
Temática: Pedagoxía del territoriu y el paisaxe tradicional asturianu al traviés d’obres pictóriques y fotografíes d’archivu.
Dirixío pa: Tolos públicos
Duración: 90 minutos
Esti taller busca dar a conocer los distintos paisaxes tradicionales asturianos al traviés de la visualización d´obres pictóriques y fotografíes d´archivu que, comparaes con otres actuales, espierten l´interés y la visión crítica del espectador, afalando al debate y al diálogu pa descubrir los cambeos que se producieron, los espacios, los oficios artesanos, los usos o les festividaes tradicionales. Trátase de facer una construcción afectiva del territoriu al traviés de la oralidá y el paisaxe descritu nes obres pictóriques y fotográfiques y la so representación nos sentimientos individuales de cada persona, creando una xeografía comunitaria dende los recuerdos individuales.