Circuitu d’artes visuales

Un proyectu de: Noé Baranda

Quemes. Procesos pa una xeografía del desastre ye un estudiu fotográficu sobre los fueos qu’afararon Asturies na primavera del 2023 que quier inquietar al espectador dende lo guapo de lo sublime nun escenariu destruyíu. Un proyectu íntimu pa concienciar de la necesidá d’un cambiu nos usos del territoriu. Trátase d’una instalación con una perspectiva antropolóxica basada na búsqueda del conocimientu de la rellación ente seres humanos y paisaxe, col fin de comprender el contestu onde vivimos. Un ensayu visual sobre la percepción del territoriu y la tresformación a manes del ser humanu. Porque yá nada ye lo que yera y poco queda de lo que fuimos.