Circuitu de lliteratura

Magüetones ye un taller lliterariu pensáu pa públicu adulto, pero basáu nes técniques de creatividá qu’avecen a usase nos talleres infantiles. Esta propuesta innovadora ayuda a averase a la escritura cola mayor desinhibición posible, cola imaxinación a funcionamientu plenu y cola presión mínima polos resultaos. L’oxetivu últimu ye escribir ensin topes, col placer como pegollu principal y, al empar, buscar que los testos seyan correctos, coherentes y guapos, independientemente del xéneru nel que tean escritos.