Circuitu de narración oral

David Acera fai siempre lo que-y sal del cuentu. Y les sos histories tán feches pa pensar y emocionase: cuentos prestosos, pa ponenos un pocoñín señardosos, pa pasar un poco de miedín o pa namoranos. El so repertoriu ampliu basáu en cuentos tradicionales, d’autor o n’histories de vida, desplégase énte l’espectador como una paleta de milenta colores. ¿Qué histories va escoyer güei? Nesta propuesta de narración oral, cada función ye única y irrepetible. David Acera va escoyer dellos cuentos tentando d’axustase a los intereses, inquietúes y edaes del públicu presente en cada momentu.