Luar Na Lubre, el grupu más internacional del folk en Galicia, presenta los cantares del so trabayu nuevu, Luar Na Lubre XX. Encrucillada, editáu en formatu llibru-discu, que recueye dellos de los temes más emblemáticos del so repertoriu tan ampliu, cola participación de delles voces que pasaron pel grupu, amás d’una cronoloxía fotográfica y lliteraria de la so historia, llarga, colos testimonios de más de 60 personalidaes de la música, la lliteratura y el periodismu.

Luar Na Lubre XX. Encrucillada, que va ser el postrer trabayu en formatu físicu, tien calter recopilatoriu, contién temes icónicos de tolos tiempos que se reinterpretaron con versiones nueves y con voces tan destacaes como Pablo Milanés, SÉS, Rosa Cedrón, ente otres.