Galder Varas llega a Xixón col so espectáculu de comedia y improvisación Esto no es un show.

Si esto nun ye un show, pensará pa ente sí, ¿de qué se trata? Pos quiciás de lo mesmo qu´otros munchos monólogos. Pue usté esperar un escenariu, un micrófonu y un cómicu. Amás, tamién pue esperar muncha improvisación, chistes y bloques distintos a los que viere de Galder Varas en redes (precisamente, si tovía nun vio nada, recomiéndo-y echar un güeyu primero de comprar una entrada, seguro que-y val de más ayuda qu´esta descripción). Y pue esperar, p´acabar, la intención honesta de facer rir a papu enllenu. Pero lo que nun pue esperar ye un show. Eso yá-y lo alvertimos.