Ensin dulda, Café Quijano tien ún de los directos más espectaculares y sorprendentes que pueden vese enriba un escenariu.
La verdá ye que son munches les razones poles que’l so show nun s´escaez.

Asistir a ún de los sos conciertos ye perder la noción del pasu del tiempu, lliteralmente. Les sos más de dos hores d´auténticu espectáculu son un viaxe pelos venticinco años d’éxitos que siguen presentes en delles xeneraciones.
L´espectáculu nun ta solo no que canten sinón, tamién, no que cunten. Los sos cantares son curtiumetraxes que se vinculen cola intrahistoria narrada ente cantar y cantar.
Café Quijano non solo forma parte de la historia de la más esquisita música española sinón que los sos cantares son éxitos que trescendieron en mediu mundu y siguen siendo de los artistes españoles más reconocíos internacionalmente, collaborando con artistes de la talla de Celine Dion, Carlos Santana, Armando Manzanero, Herbie Hancock, Black Eyed Peas, Joaquín Sabina…