Impartíu por: Carla Subirana, directora y guionista de cine y televisión.

Dirixíu a: creadores y creadores con afán d’esplorar la so creatividá, amás d’a profesionales de conteníu (ficción y documental, tanto curtios como llargumetraxes), y a toa clas de llinguaxes narrativos, artísticos y espresivos.

Si tienes una idea de proyectu, nun sabes per ónde empezar o cómo lo facer, y nunca-y disti espaciu pa que se desenvuelva, esti workshop ye’l comienzu pa destorgar esi camín y esplorar la fonte de la to creatividá.

Los proyectos más interesantes tienen a menudo un vínculu directu cola trayectoria vital de quien los crea, col so universu personal o coles imáxenes y recuerdos que configuren la so alcordanza y la so identidá. Polo que la propuesta d’esti taller -impartíu primero en Barcelona, Berlín, Darmouth, y EE. UU.- ye compartir y esplorar cola mira de dibuxar el mapa de los principales intereses y obsesiones, valiendo d’andamiu del proyectu a desenvolver y como argumentación sólida pa dar continuidá a les tos idees.

La metodoloxía va xirar alredor l’orixe del to proyectu tratándolu al traviés de delles técniques como’l xuegu, la reflexón, la memoria, les alcordances, la fotografía, l’análisis d’imáxenes y películes, les palabres clave (o keywords), la música, la escritura automática, el collage y, sobre manera, la intuición.

La programación cinematográfica ufiertada por Llaboral Cinemateca ta ellaborada pol Festival Internacional de Cine de Gijón/Xixón (Divertia Gijón SA)