Con trece años al llombu, más de media docena de discos n’estudiu, dos llibros, dellos recopilatorios y cientos de cantares grabaos, Petit Pop convirtiéronse en música de cabecera pa miles de neños y neñes.

Petit Pop propón un conciertu participativu y prestosu onde’l públicu va tener qu’implicase pa que se vaiga desenvolviendo. La única edá qu’importa ye la de la ilusión y les ganes de pasar un bon momentu disfrutando de cantares que, pola so sonoridá y temática, conecten tanto con neños como adultos. La so puesta n’escena ye cenciella, ensin disfraces nin artificios, dexando tol protagonismu a los cantares al traviés de la interacción ente públicu y artistes.