Na trescripción del xuiciu a Xuana d´Arcu, cuando-y pregunten cómo sabía que yera la voz de San Miguel la qu´escuchaba, contesta:
−Porque tenía voz d´ánxel.
−¿Cómo sabe usté que yera una voz d´ánxel?
−Porque tuvi la voluntá de creyelo.

Dende que lleí esta última frase, acompáñame como una definición posible del teatru y tamién como una obsesión. ¿Qué rellación hai ente voluntá y fe? ¿Qué fai que dalgo seya verosímil? ¿Qué papel tien la voluntá na suxestión?
Depués de dedicanos a escuchar cantares pa la creación de la nuestra última obra, vamos poner agora la nuestra atención na creyencia. Pa eso, vamos trabayar a partir de la película Ordet, de Dreyer, que termina con una de les escenes más guapes y de xuru más atrevíes que tengo visto.

Na nuestra función, el más pequeñu d´una familia d´hermanos vascos caltién que ye Xesús de Nazaré. Les sos hermanes consideren qu´allorió por escesu de llectures de Kierkegaard. Como n´Ordet, va haber muerte y resurrección. Y, sobre manera, el deséu de xugar cola percepción del espectador de forma que la propia función seya una puesta a prueba de la so fe.

Pablo Messiez