Entraes escoses

L´artista, referencia indiscutible de la música popular europea, pon fin a cinco años ensin material inédito con doce temes que van dende’l rock y los soníos más clásicos.

Fíxose esperar, pero Luz Casal torna con un nuevu discu, el más personal y autobiográficu de la so carrera. El títulu , Las ventanas de mi alma, yá anuncia que Luz preséntase ensin mázcares nin artificios, franca y apasionada como siempre y más anclada a la realidá que nunca. La so condición de referencia indiscutible de la música n´español convierte esta vuelta, tres de cinco años ensin publicar cantares inéditos, en tou un acontecimientu. Sicasí , lloñe de conformase cola renta que-y otorguen cuatro décades no más alto, Luz esplora nuevos soníos y trata asuntos d´actualidá pa ufiertar un álbum redondu y arrebatador, doce temes llamaos a enanchar l´abultada llista d´éxitos de l´artista, una de les voces más inconfundibles del panorama musical européu.