Esta Antología de Avilés supón un primer pasu y un primer averamientu a la historia musical de la Villa na rama tradicional y llírica, enforma enraigonada na ciudá gracies al entusiasmu de les sos mases corales y al procuru y impagable esfuerciu d’homes y muyeres con nome y apellíos, que yo calificaría como “mantenedores” dafechu del cantar tradicional: Eduardo Yupo, Majo, Astuy, Ramón “El morenito”, Cástor González, Cholo “El Candín”, Gonzalo Casielles, “Los Perlitos”, Luis Muñiz, Carlos Madera, Emilio Menéndez...

Participen nesta Antología de Avilés personaxes, artistes reconocibles y reconocíos por tol públicu avilesín y asturianu. Tres l’éxitu de la estrena fecha tamién nel Centru Niemeyer nel 2019, regresa al so Auditoriu esta obra musical que resume en cuasi hora y media lo que fuimos y lo que somos na música tradicional d’Avilés. Pola música, por Avilés.