Entraes escoses

Se parece al final ye´l títulu del EP y de la mini-xira qu´Alfredo González, un músicu de trayectoria reconocida, va realizar pa despidise de los escenarios y zarrar la so etapa como cantautor. El turonés va poner broche a una carrera enllena d´ésitos y galardones.

Amás de lo anterior, el so cantar La nada y tu foi escoyida, por un comité d´espertos en cultura asturiana, como´l novenu meyor cantar de la historia de la música asturiana. Esta despidida va realizase con una serie de conciertos a pianu y voz que va tener el so remate nel Centru Niemeyer. En palabres del propiu artista: "Ye tiempu de despidíes, pero non de tristura. Cenciellamente, cansé de mi. Prúyeme saltar otros murios, xugar a los heterónimos, fracasar d‘otra manera. Voi marchar namás, col mio pianu y les mios escuses, igual qu‘empecé. Y namás espero atopavos ente les butaques, cantando o imaxinando que cantáis. Felices de celebrar esti final conmigo".