Circuitu d´artes escéniques

Romeo & Julieta de Cámara ye un proyectu onde dos músicos y trés baillarinos axunten la música, la danza y la lliteratura al traviés de la obra de W. Shakespeare y la música de S. Prokofiev. Trece númberos del ballet de Sergei Prokofiev interprétense en formatu de viola y pianu, con una adaptación pa estos instrumentos del maestru violinista rusu Vadim Borisovsky y la versión pa pianu escrita pol propiu compositor.

A mediu camín ente la traxedia y la comedia, Roméu y Xulieta, la historia d’amor más famosa de la lliteratura, cúntase al traviés d’estes escenes intercalando testos propios de Shakespeare cola danza delicada de los protagonistes.