Circuitu d´actividaes d´artes escéniques

Dos cómiques del Sieglu d´Oru Español vense obligaes a tomar una decisión drástica por cuenta d´una noticia impactante que va poner les sos vides del revés. Y ye que nada más y nada menos que Miguel de Cervantes Saavedra, escritor brillante y perconocíu, tien una visión del futuru, visión que lu trestorna enforma yá que nel futuru les persones olvidáronse de los llibros. Y, por eso, Cervantes y tolos escritores de la dómina dexen d´escribir, faciendo que tolos cómicos queden ensin sustentu pa subsistir.

Marce y Dioni, que ye como se llamen les dos cómiques de la nuestra historia, van ponese en manes d´un bon amigu, espertu en bruxeríes y ciencies estrañes pa resolver esta situación tan desastrosa.

Una pócima, un viaxe al traviés del tiempu y una misión. Elles tán dispuestes a too pa cumplila, pero igual lleven dalgún qu´otru sustu nel futuru. ¿Acompañáisnos nesti viaxe tan prestosu?