Volver ye siempre una invitación a suañar, empezar de nuevo ye un camín por descubrir y, nesta ocasión, volver ye realcontranos, sentir el vértigu de la partitura por escribir, de les lluces que tienen que se prender pa venos de nuevo, de dibuxar los nuestros sentimientos. el nuestru llinguaxe ye esi llenzu inciertu del teatru, volver al aplausu, al ciñu, al calor, al abrazu imposible cola razón que nos caltién: el públicu.

Alma ye un abrazu enorme onde´l flamencu abraza al boleru y el boleru déxase abrazar pol flamencu pa facese seguiriya, soleá, caña, garrotín, bulería… les formes, los colores y la sensualidá agarraes ensin remediu nun xiru inesperáu, la cadencia fecha xirón, l´amor a sacos rotos, vacíu sobre la voz y la guitarra, y nes manes la maxa y nos pies el destín. alma ye un chisgu constante, una aventura nes alcordances de melodíes que nos acompañaron siempre