Los terrenos de lo que yera l´astilleru de Naval Xixón acueyen la XXXVI edición d´esti festival lliterariu qu´entemez elementos lliterarios, artísticos, gastronómicos, musicales, feriales y participativos y que va cuntar con más d´un centenar y mediu d´autores.

Un añu más, el festival más vieyu d´Europa del xéneru negru va siguir analizando colos sos autores participantes los caminos pelos que se desenvuelve la novela negra actual, los sos elementos lliterarios y los sos valores propios.

Va cuntar con presentaciones, conferencies, debates, proyecciones audiovisuales, homenaxes, talleres, Feria del llibru, mercáu interétnicu, tresgresores, otres proyecciones nocherniegues, conciertos na carpa, atracciones de feria, restaurantes, mercaos, chigres de nueche, terraces…