Xornada telemática: El Proyectu Educativo-Museísticu de Puçol (Elche). Un reconocimientu Unesco nacíu nun colexu rural

08/06/2023 12:00

Museos y Equipamientos

Xornada telemática enmarcada na celebración del Día de los Museos 2023

Jornada telemática: El Proyecto Educativo – Museístico de Puçol (Elche). Un reconocimiento Unesco nacido en un colegio rural

Duración estimada: 1 hora + coloquiu.

Dirixíu a: profesionales d’instituciones culturales.

Retirada d’invitaciones: hasta’l vienres 2 de xunu a les 12:00 h al traviés d’esti enllaz: Retirada d’invitación.

Más información: 902 306 600 / 985 185 860.

Observaciones: la sesión va facese virtualmente al traviés de la plataforma Zoom. Pue accedese ensin costu dende cualquier dispositivu Android, yá seya PC, Tablet o móvil. Nun ye menester rexistrase en Zoom pa participar. Dende’l móvil ye necesario descargar l’aplicación de baldre; dende un ordenador nun ye necesario. Nun se requier tener la cámara nin el micrófonu activáu pa participar. A les personas inscrites van unviase los datos d’accesu a la xornada per corréu electrónicu.

La intervención va abordar l’orixe y la trayectoria siguíes pol Muséu Escolar de Puçol, un centru que naz a partir d’una iniciativa pedagóxica –va mediu sieglu... – nun colexu unitariu pequeñu del Campo de Elche. Van esponese les característiques y peculiaridaes que definen a esti proyectu cultural comunitariu que, nel 2009, foi reconocíu pola UNESCO, incluyéndolu nel Rexistru de Bones Práctiques de Salvaguarda del Patrimoniu Cultural Inmaterial.

Ponentes:

Rafael Martínez García

Ye doctor en Xeografía Humana pola Universidá d’Alicante (2017), gracies a la defensa d’una tesis titulada Museos Etnológicos del Sur Valenciano. Territorio, Identidad y Patrimonio. Tuvo vinculáu profesionalmente a dellos museos de la provincia, trabayando sobre documentación, didáctica y esposiciones. Asistió como ponente a bien d’eventos científicos y cursos de postgráu. Publicó artículos y reseñes en llibros y revistes d’ámbitu nacional y internacional. Foi Personal Docente y Investigador de la Universidá d’Alicante, onde disfrutó de dos beques d’investigación ente’l 2007 y el 2009. Anguaño, ye profesor collaborador tutor esternu del Máster n’Educación y Museos de la Universidá de Murcia y estudia Antropoloxía Social y Cultural na UNED.

Nel 2017 asumió la dirección del Muséu Escolar de Puçol (Elche), institución incluyida nel Rexistru de Bones Práctiques de Salvaguarda del Patrimoniu Cultural Inmaterial pola UNESCO. Dende’l 2022 ye director de la Funcación Proyectu Puçol.

Isabel Picó Ledesma

Técnicu superior n’actividaes físiques y animación deportiva (2003). Diplomada en Maxisteriu pola especialidá d’Educación Física (2006, Universidá d’Alicante), adquirió más tarde les especialidaes de Primaria, Pedagoxía Terapéutica y Inglés. Ye Llicenciada en Psicopedagoxía (2010, Universidá d’Alicante). Autora de delles publicaciones rellacionaes con xestión de centros y metodoloxíes educatives.

Dictante de cursos y conferencies nacionales y internacionales sobre educación y pedagoxía. Collaboradora y autora de dellos proyectos d’investigación y innovación en centros docentes, proyectos esperimentales, amás de munchos seminarios y grupos de trabayu.

Maestra dende’l 2008 y directora del CEOP N. 49 d’Elche dende’l 2010 hasta anguaño, onde dirixe al equipu docente del Proyectu Educativu y Museísticu de Puçol n’Elche.