Circuitu d´actividaes de lliteratura

Tierra Fada ye un conciertu pa promocionar la poesía que s´escribe actualmente n´Asturies al traviés de cantares compuestos pola poeta y música Ana Lamela Rey con lletra de poemes de poetes asturianos/es o que viven y escriben n´Asturies. L´oxetivu principal ye que´l públicu avezao o non a lleer poesía-y llame esta forma de tresmisión poético-musical y pierda´l mieu a escuchar, a sentir y disfrutar de la poesía.